Tumplak Punjèn
Tumplak punjèn yaiku salah sawijiné budaya ing pawiwahan kang ana ing Jawa Tengah
Tumplak punjèn kuwi artiné mantu kang pungkasan. Acara Tumplak punjèn dianakké
kanggo nandhakaké yèn wong tuwa wis ora duwé tanggungan marang anak manèh.
Nanging kosok baliné ganti anak kang kudu nanggung uripé wong tuwané. Adicara
tumplak punjèn diwiwiti kabèh anak kudu kumpul lan ngroyok sega lan ingkung pitik kang wis dicepakake
dening wong tuwa lan wis didongani modin utawa wong kang dituwakaké ing kampung.
Anggone kroyokan mau kuduné akèh-akèhan éntuk sega, segané diwadhahi ning ngaron utawa kendhil kang gedhé ukurané. Miturut mitosé,
sing paling akèh éntuk sega kuwi sing akèh rejekiné. Lan kang rebutan ingkung,
sapa sing bisa éntuk ndhas pitik kuwi sing pantes dadi pemimpin kulawarga. Banjur, yèn
sing éntuk jeroan sing paling akèh kuwi anaké bakal akèh. Saben bageyan awak
ingkung kuwi ana mitosé dhéwé-dhéwé. Nanging kabèh kuwi mau mung mitos, bisa dipercaya lan
uga ora. Ing Rembang,
acara iki ramé banget. Saben ana wong mantu kang pungkasan akèh wong kang padha
pengen nonton.
Tidak ada komentar:
Posting Komentar